Кілт сөздер
жер төсемінің тербелістері;
жылжымалы құрам әсері;
вибрациялық бақылау;
натурлық зерттеулер;
қозғалыс жылдамдығы.
Аңдатпа
Мақалада нақты пайдалану жағдайында жылжымалы құрам әсерінен теміржол үстіңгі құрылысы элементтері мен жер төсемінің вибродинамикалық жауап беруін далалық зерттеу нәтижелері ұсынылған. Әртүрлі қозғалыс жылдамдықтарында ВЛ-80 электровозы өткен кезде тұрақты теміржол үйіндісінің жиегі бөлігінде тік бағыттағы тербелістер тіркелді. Жылдамдықтың тербеліс параметрлеріне әсерін бағалау үшін уақыттық және жиіліктік аймақтарда талдау жүргізілді, оның ішінде үдеудің шекті мәндері, орташа квадраттық мәндер (ОКМ), басым жиіліктер және спектрлік энергия сипаттамалары анықталды.Зерттеудің мақсаты - нақты пайдалану жағдайында поездың жылдамдығы мен жер төсемінің тербеліс параметрлері арасындағы сандық тәуелділіктерді анықтау. Жүргізілген зерттеулер нәтижесінде тербеліс параметрлері мен қозғалыс жылдамдығы арасындағы тұрақты байланыстар анықталып, жүктеменің артуына байланысты «жолдың үстіңгі құрылысы - жер төсемі» жүйесінің динамикалық күйінің заңды өзгерістері көрсетілді. Зерттеудің ғылыми жаңалығы нақты пайдалану жағдайында жер төсемі үйіндісінің жиегіндегі жылдамдыққа тәуелді тербеліс сипаттамаларын далалық жағдайда эксперименттік анықтауда, сондай-ақ уақыттық және жиіліктік параметрлерді біріктіру арқылы тербеліс негізіндегі жағдайды бағалау тәсілін ұсынуда жатыр. Алынған эксперименттік деректер теміржол үйінділерінің жағдайын тербеліс негізінде бағалауда қолданылуы мүмкін. Ұсынылған тәсіл ақауларды ерте анықтауға арналған мониторинг әдістерін дамытуға, техникалық қызмет көрсетуді жоспарлаудың тиімділігін арттыруға және теміржол инфрақұрылымының жағдайын басқаруды жетілдіруге бағытталған.
Это произведение доступно по лицензии Creative Commons «Attribution» («Атрибуция») 4.0 Всемирная.
Copyright (c) 2026 Қазақ бас сәулет-құрылыс академиясының хабаршысы