«Қазақ бас сәулет-құрылыс академиясының хабаршысы» журналы – ғылыми қызметтің негізгі нәтижелерін жариялау үшін Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті ұсынған басылымдар тізбесіне енгізілген рецензияланатын ғылыми және ғылыми-техникалық басылым.

Журнал сәулет, қала құрылысы, ландшафтық сәулет, сәулеттік жобалау, сәулеттік орта дизайны, құрылыс материалдары мен конструкциялары, құрылыс технологиясы мен өндірісін ұйымдастыру, ғимараттар мен құрылыстардың инженерлік жүйелері, геотехника, сейсмикалық төзімді құрылыс, құрылыс физикасы, құрылыс экономикасы және жобаларды басқару, сондай-ақ сәулет пен құрылыстағы цифрлық технологиялар салаларындағы өзекті мәселелерге арналған түпнұсқа ғылыми мақалаларды жариялайды.

Журнал алғашында «Қазақ мемлекеттік сәулет-құрылыс академиясының Хабаршысы» атауымен жарық көрді. 2001 жылы басылымның атауы «Қазақ бас сәулет-құрылыс академиясының Хабаршысы» болып өзгертілді.