ЕУРОКОД 8 НОРМАЛАРЫ БОЙЫНША АЛМАТЫДАҒЫ 16 ҚАБАТТЫ ТЕМІРБЕТОН ҒИМАРАТТЫ КӨПКОМПОНЕНТТІ СЕЙСМИКАЛЫҚ БАҒАЛАУ

Аңдатпа

Бұл зерттеуде ҚР ЕЖ EN 1998-1:2004/2012 и ҚР ЕЖ 2.03-30-2017 нормаларына сәйкес, Алматы қаласындағы 16 қабатты монолитті темірбетон ғимараттың статикалық және көпкомпонентті сейсмикалық әсерлер кезіндегі сандық бағалауы ұсынылған. ІВ санатындағы топырақта орналасқан, байланыстырылған қабырғалары бар қабырғалық тасымалдаушы жүйе үшін LIRA-SAPR бағдарламалық кешенінде ақырлы элементтер моделі әзірленді. Талдау барысында жер сілкінісінің көлденең және тік компоненттері нақты ескерілді; модальдық реакциялар X, Y және Z осьтері (a_g = 0.487 g; a_vg = 0.438 g) бойынша 20-дан астам тербеліс пішінін ескере отырып, SRSS немесе CQC әдістері арқылы біріктірілді. X және Y бағыттарындағы жиынтық модальдық массалар 89,8%-ға жетеді, бұл динамикалық реакцияның толыққанды қамтылғанын көрсетеді. Қабатаралық максималды ығысулар 5,5 мм (X) және 6,3 мм (Y) құрайды, ал шатырдың көлденең орын ауыстырулары сәйкесінше 75 мм және 85 мм-ге тең – бұл қолданыстағы нормалардың шектік талаптарынан аспайды. Ғимарат орнықтылық пен сейсмотұрақтылық критерийлерін қанағаттандырады; 9 балдық сейсмикалық аймақтағы 12 қабаттан асатын құрылыстар үшін Арнайы техникалық шарттарды (АТШ) әзірлеу қажеттілігі расталады. Зерттеудің ғылыми жаңалығы – Қазақстан жағдайына бейімделген Еурокод ережелерін практикаға бағыттап енгізуде, сондай-ақ сейсмикалық сұранысты бағалауды және нәтижелерді сейсмикалық белсенді өңірлердегі биік ғимараттарды жобалауда қолдануды жақсартатын тік компонент пен көпқұрамды спектралдық талдауды нақты ескеруінде жатыр.